Caliak sumber untuak Hujan asam

{{refimprove}}''n''' diartian sabagai sagalo macam [[hujan]] PANEK DI URANG[[pH]] di bawah 5,6. Hujan sacaro alami bersifaik asam (pH saketek di bawah 6) karano [[karbondioksida]] (CO<sub>2</sub>) di [[Udara|udaro]] nan laruik jo aia hujan mampunyoi bantuak sabagai [[asam]] lamah. Jinih asam dalam hujan ko sangaik bamanfaaik karano mambantu malaruikan [[mineral]] dalam [[tanah]] nan dibutuhan dek tumbuahan jo binatang.

Hujan asam disababan dek [[Belerang|balerang]] (sulfur) nan marupoan pangotor dalam [[Bahan bakar fosil|bahan baka fosil]] sarato [[nitrogen]] di udaro nan bareaksi jo oksigen mambantuak [[sulfur dioksida]] jo [[nitrogen oksida]]. Zat-zat iko badifusi ka [[atmosfer]] sarato bareaksi ka aia untuak mambantuak [[asam sulfat]] jo [[asam nitrat]] nan mudah laruik sehinggao jatuah basamo aia hujan. Aia hujan nan asam tasabuik akan maningkekan kadar kaasaman tanah dan aia pamukoan nan tabukti babahayo bagi kahidupan ikan dan tanaman. Usaho untuak mangatasi hal iko kini ko sadang maraknyo dilaksanoan.

== Sumber ==
Sacaro alami hujan asam dapek tajadi akibaik samburan dari [[Gunung berapi|gunuang barapi]] sarato dari proses biologis di tanah, rawa, jo lauik. Tapi, mayoritas hujan asam disababan dek aktivitas manusia sarupo industri, [[Pembangkit tenaga listrik|pambangkik tanago listrik]], [[Kendaraan bermotor|kandaraan bamotor]] sarato pabrik pangolahan partanian (terutamo [[amonia]]). Gas-gas nan dihasilan dek proses iko dapek tabaok [[angin]] hinggo baratuih kilometer di atmosfer sabalun barubah manjadi asam dan tadeposit ka tanah.

Hujan asam karano proses industri alah manjadi masalah nan pantiang di [[Republik Rakyat Tiongkok]], [[Eropa]] Barat, [[Rusia]] dan daerah-daerah di arahan anginnyo. Hujan asam dari pambangkik tanago listrik di [[Amerika Serikat]] bagian  Barat alah marusak hutan-hutan di [[New York]] dan [[New England]]. Pambangkik tanago listrik ko umumnyo manggunoan batu baro sabagai bahan bakanyo.
[[Berkas:Origins.gif|jmpl|Proses nan terlibat dalam pemecahan Asam ( catatan: bahwa hanya SO2 dan NOX memegang peran penting dalam hujan asam).]]

== Pambantukan hujan asam ==
Sacaro sederhana, reaksi pambantukan hujan asam sabagai barikuik:

<math>\begin{matrix}
S_{(s)}+O_{2(g)}\rightarrow SO_{2(g)} \\
2 SO_{2(g)}+O_{2(g)}\rightarrow 2 SO_{3(g)} \\
SO_{3(g)} +H_2O_{(l)}\rightarrow H_2SO_{4(aq)}\\
\end{matrix}</math>

Bukti tajadinyo paningkatan hujan asam didapek dari analisis es kutub. Dapek dicaliak dari turunnyo kadar pH sajak dimulainyo [[Revolusi Industri]] dari 6 manjadi 4,5 atau 4. Informasi lain didapek dari organisme nan dikana sabagai diatom nan mauni kolam-kolam. Sasudah batahun-tahun, organisme-organisme nan mati akan mangendap dalam lapisan-lapisan sedimen di dasar kolam. Patumbuhan diatom akan meningkek pado pH tatantu, sehinggo jumlah diatom nan ditemuan di dasar kolam akan manampakan parubahan pH sacaro tahunan jiko awak mancaliak ka masiang-masiang lapisan tasabuik.

Sajak dimulainyo Revolusi Industri, jumlah emisi sulfur dioksida jo nitrogen oksida ka atmosfer maningkek pulo. Industri nan menggunoan bahan baka fosil, tarutamo [[Batu bara|batu baro]], marupoan sumber utamo maningkeknyo oksida balerang iko. Pambacoan pH di area industri kadang-kadang tacataik hinggo 2,4 (tingkek kaasaman [[Cuka|cuko]]). Sumber-sumber iko, ditambah dek transportasi, marupoan panyumbang-panyumbang utamo hujan asam.

Masalah hujan asam indak hanyo maningkek sajalan jo patumbuahan [[populasi]] dan industri tapi alah bakambang manjadi labiah lueh. Panggunoan carobong [[Asap|asok]] nan tinggi untuak mangurangi [[polusi]] lokal bakontribusi dalam panyebaran hujan asam, karano emisi gas nan dikeluaannyo akan masuak ka sirkulasi udaro regional nan mampunyoi jangkauan labiah lueh. Hujan asam acok bana tajadi di daerah nan jauah dari lokasi sumbernyo, daerah [[Gunung|pagunuangan]] candaruang mamparoleh labiah banyak karano tingginyo curah hujan di siko.

Tadapek hubuangan nan arek antaro randahnyo pH jo bakurangnyo populasi [[ikan]] di danau-danau. pH di bawah 4,5 indak mamungkinan dek ikan untuak iduik, samantaro pH 6 atau labiah tinggi akan mambantu patumbuhan populasi ikan. Asam di dalam aia akan maambek produksi enzim dari larva ikan ''[[trout]]'' untuak kalua dari taluanyo. Asam maikek logam baracun sarupo [[Alumunium|alumnium]] di danau. Alumunium akan manyebaban babarapo ikan mangaluaan lendir balabiahan di sakitar [[insang]]nyo sahinggo ikan sulik bernapas. Patumbuhan [[fitoplankton]] nan manjadi sumber makanan ikan diambek pulo dek tingginyo kadar pH.

Tanaman dipangaruhi dek hujan asam dalam barbagai macam caro. Lapisan lilin pado [[daun]] rusak sahinggo nutrisi mailang, tanaman indak tahan tahadok kaadaan dingin, cindawan jo saranggo. Patumbuhan aka manjadi lambek sahinggo labiah saketek nutrisi nan dapek diambak, sarato mineral-mineral pantiang manjadi hilang.

Ion-ion baracun nan talapeh akibaik hujan asam manjadi ancaman nan gadang dek manusia. Tambago di aia badampak pado timbuanyo wabah diare pado anak jo aia tacemar alumunium dapek manyebaban panyakik [[Alzheimer]].

== Sijarah ==
Hujan asam dilaporan patamo kali di [[Manchester]], [[Inggris]], nan manjadi kota pantiang dalam [[Revolusi Industri]]. Pado taun [[1852]], Robert Angus Smith manamuan hubuangan antaro hujan asam jo polusi udaro. Istilah hujan asam tasabuik mulai digunakannyo pado taun 1872. Baliau mangamati bahwa hujan asam dapek mangarah pado kahancuran alam.

Walaupun hujan asam ditamuan pado taun [[1852]], baru pado taun [[1970]]-an para ilmuwan mulai maadoan banyak panalitian mangenai fenomena iko. Kasadaran masyarakaik akan hujan asam di Amerika  Sarikek maningkek pado taun 1990-an sasudah di ''[[New York Times]]'' mamuek laporan dari Hubbard Brook Experimental Forest di New Hampshire tantang banyaknyo karusakan lingkungan nan diakibaikan dek hujan asam.

== Metode Pancegahan ==
Di [[Amerika Serikat]], banyak pambangkik tanago listrik tanago batu baro manggunoan ''Flue gas desulfurization'' (FGD) untuak manghilangan gas nan manganduang balerang dari carobongnyo. Sabagai contoh FGD adolah ''wet scrubber'' nan umum digunoan di Amerika  Sarikek dan nagaro-nagaro lainnyo. ''Wet scrubber'' pado dasarnyo adolah tower nan dilangkoki jo kipeh nan maambiak gas asok dari carobong ka tower tasabuik. Kapua atau batu kapua dalam bantuak bubua diinjeksian pulo ka dalam tower sahinggo bacampua jo gas carobong sarato bareaksi jo sulfur dioksida nan ado, Kalsium karbonat dalam batu kapua manghasilan kalsium sulfat ba pH netral nan sacaro fisik dapek dikaluaan dari ''scrubber''. Dek karano itu, ''scrubber'' maubah polusi manjadi sulfat industri.

Di babarapo area, sulfat tasabuik dijua ka pabrik kimia sabagai [[gipsum]] jiko kadar kalsium sulfatnyo tinggi. Di tampek lain, sulfat tasabuik ditampekan di ''[[land-fill]]''.

== Pranala luar ==

* {{en}} [http://www.epa.gov/region1/eco/acidrain/index.html Acid Rain in New England]
* {{en}} [http://www.enviroliteracy.org/article.php/2.html Environmental Literacy Council - Acid Rain] {{Webarchive|url=https://web.archive.org/web/20060421175435/http://www.enviroliteracy.org/article.php/2.html |date=2006-04-21 }}