Pi

Pi (biaso dilambangan jo $\pi$) adolah tetapan matematika nan didefinisian sebagai pabandiangan kaliliang lingkaran $C$ jo diameter (garih tangah) lingkaran itu $d$.

$\pi =\frac{C}{d}$

Pi adolah bilangan irasional, maksudnyo bilangan iko indak bisa dinyatoan jo pabandiangan duo bilangan bulek. Untuak paretongan sederhana, biaso diambiak nilai pandakean saumpamo 3,14159265.

Bilangan pi banyak baguno dalam persamaan matematika nan bahubuangan jo lingkaran: laweh lingkaran ,laweh permukaan dan isi bole. Juo banyak tapakai dalam berbagai persamaan fisika.

Lingkaran nan badiameter 1 mampunyoi kaliliang π.